Хамид Карзайдын бир тууганы талип согушкерлеринин кол салуусунан аман калды. Ооган президенти Хамид Карзайдын бир тууганы Ахмад Вали Карзай бүгүн эртең менен буктурмага кабылганын, андан 3 сакчысы набыт болгонун билдирди. Мамлекет башчынын иниси Кандагар чөлкөмүндө аймактык кеңешти жетектейт. Батыштын айрым маалымат каражаттары аны маңзаттарынын мыйзамсыз соодасына малынган деп жазып чыгышкан. Ахмад Вали Карзай мындай айыптоолорду четке кагууда.
