21-майдан 25-майга чейин Кыргызстанда расмий сапар менен Малайзия парламентинин төрагасы Тан Сри Пандикар Амин Хаджи Мулия болот. Ал Бишкекте президент Курманбек Бакиев, Жогорку Кеңештин төрагасы Айтибай Тагаев, өкмөт башчы Игорь Чудинов менен жолугушат. Малайзия парламентинин төрагасы ошондой эле кыргыз-малай өкмөттүк комиссиясынын теңтөрагаларынын бири Турсун Турдумамбетов менен эки тараптуу кызматташууларга байланыштуу маселелерди талкуулашы күтүлүүдө. Төрага Тан Сри Пандикар “Ата Бейитте”, Ысык-Көлдө сапарда болоору белгиленүүдө. Бул тууралуу ЖКнын маалымат кызматынан кабарлашты.(AiT)
