“Ала-Тоо” борбордук аянтындагы “Манас” эпосунун каармандарын чагылдырган долбоор алешем-чийки жасалып, Манас атабыздын баянын билбегендердин колунан жаралган иш болуп калды, деп билдирди “Азаттыкка” Кыргыз эл сүрөтчүсү Жоомарт Кадыралиев. Анын айтымында, “Ала-Тоо” аянтында Манас бабабыздын эзелки жоолорунун айкелдеринин тургузулушу кыргыз көркөм дөөлөт таануунун начардыгын айгинелеп турат. “Ал жердеги архитектуралык композиция шашылыш коюлгандыктан, чет элден келген конокторго уят болобуз”,-дейт эл сүрөтчүсү. (AJ)
