Бул тууралуу анын апасы Мастура Ысманова “Азаттыкка” билдирди. Анын айтуусунда уулун 4-июль күнү Ноокат РИИБнүн кызматкерлери катуу сабап коюшуп, натыйжада журналист Алмаз Ташиев оор абалда ооруканага жеткирилген. Милиция кызматкерлери болсо Алмаздын ата-энесинин доосун четке кагышууда, ошол эле учурда райондун прокурору Сүйүнбек Сатыбалдиев журналисттин сабалганы тууралуу ишти жеке көзөмөлүнө алгандыгын, окуяга милиция кызматкерлеринин тиешеси бардыгы аныкталса, алар сөзсүз жоопкерчиликке тартылаарын “Азаттыктын” кабарчысына билдирген.(ZKo)
