Гондурастагы саясий кризисти жөнгө салуу боюнча Коста-Рикада сүйлөшүүлөр башталат. Июнь айынын этегинде төңкөрүштөн кийин өлкөдөн куулган Гондурастын президенти Мануэл Салайя бул кызматты убактылуу аркалап жаткан Роберто Мичелетти менен жолугушары күтүлүүдө. Мичелетти кризис “тынч жана конституциялык” жол менен чечилерине үмүт артты. Буга чейин Гондурастын убактылуу бийлиги президент Селайяга өлкөгө кирүүгө тыюу салган.
