Түркиянын Стамбул шаарында беш миңге жакын киши Кытай бийлигинин уйгурлардын нааразылык акциясын күч менен басышына каршы демонстрация уюштурушту. Митингдин катышуучулары көк-ак түстөгү байрактарды көтөрүп, уйгурларга тилектештигин билдиришти. Буга чейин Түркиянын өкмөт башчысы Режеп Тайып Эрдоган Шинжаңдагы кырдаалды уйгурларга каршы геноцид деп атаган.