Коалициялык күчтөрдүн карапайым тургундарды ташып бараткан бир тик учагы жерге кулап түшкөнү кабарланды. НАТОнун расмий өкүлү кеминде алты адам мерт болгонун айтты. Талиптер тик учакты биз атып түшүргөнбүз деп жатышат. Ушул күндөрү Ооганстандын түштүгүндөгү Хелманд вилоятында америкалык жана британ аскерлери талиптерге каршы кеңири операциясын өткөрүп жүрүшөт.
