Жыйында ортодогу чыңалууну басаңдатуу жолдору талкууланды. Эки тараптын ырасмий өкүлдөрү былтыр Түштүк Осетияда тутанган грузин-орус согушунан бери алгачкы ирет жолугушту. Ушул аптада Цхинвалга барган орус президенти Дмитрий Медведев Грузия былтыр жайдагы жеңилүүдөн сабак алса болду деген үмүтүн айтты. Ал тапта АКШнын аскердик кемелери Грузиянын Батуми шаарындагы портко алынып келинди, ал жердеги деңиз үстүндөгү машыгууларга катышмакчы.
