Үч адамдан турган топту Чилинин өкүлү Херальдо Муньос жетектейт. Комиссиянын мүчөлөрү Пакистандын президенти, Беназир Бхуттонун күйөөсү Асиф Али Зардари менен жолугушат. Аталган комиссия жыл этегине чейин Улуттар уюмунун баш-катчысына Пакистандын мурдагы премьер-министри Беназир Бхуттонун өлүмү тууралуу кеңири иликтөөсүн көрсөтүшү керек. Пакистандын эки жолку премьер-министри, кийин оппозициянын лидерлеринин бири болуп турган Бхуттону 2007-жылкы шайлоо өнөктүгү учурунда белгисиз бирөөлөр өлтүрүп кетишкен.
