Андан бир өспүрүм каза таап, үчөө жаарат алды. Чүйдүн Панфилов районундагы Вознесеновка айылында жайгашкан жашы жете элек өспүрүмдөр колониясында 18-июлда таң эртең менен он жети-он сегиз жашар балдар арасында уруш чыккан. Маалыматтарга караганда, урушка түшкөн 8 өспүрүмдө адам өмүрүнө коркунуч келтирчү атайын курал болбосо да, тополоңдон Самат Заитов (1992-жылы туулган) каза тапкан. Бул факт боюнча кылмыш иши козголуп, колония жетекчилиги алдында кызматтык териштирүүлөр жүрүүдө. Бул түзөтүү абагынын жетекчиси, майор Нурбек Отунчиев кызмат ордунан четтетилди. Адилет министрлигинин Жаза өтөө мекемелер башкармалыгы учурда колониядагы абал көзөмөлдө турганын билдирүүдө. (EK)
