Президенттикке талапкер Курманбек Бакиевдин шайлоо штабы 21-июлда Бакиевди колдоо боюнча Бишкекте жөө жүрүш өткөрүүгө уруксат сурап мэрияга кайрылган. Бирок шаар башчылыгы борбордук көчөлөрдү оңдоп-түзөө иштери жүрүп жатканына байланыштуу жөө жүрүш коомдук транспорт кыймылына жолтоолук кылып, шаар тургундарынын күнүмдүк турмушуна ыңгайсыздык жаратат деген жүйөө менен бул иш-чараны уюштурууга уруксат берүүдөн 20-июлда баш тартты. (AJ)
