«Исток-Авиа» кыргыз авиакомпаниясынын Дубай-Бишкек каттамындагы «Боинг-737» учагы авариялык абалда жерге конду. Окуя 20-июлга караган түнү болгону кабарланууда. Маалыматтарга караганда, учак ичиндеги жүргүнчүлөрдөн эч ким жабыркаган эмес. Жарандык авиация департаменти Дубайга атайын комиссия жөнөткөнү тууралуу маалымат тарады. Бирок азырынча Жарандык авиация департаменти жана «Исток-Авиа» компаниясы бул тууралуу түшүндүрмө бере элек. Кыргызстан авиакомпаниялары эки жылдан бери Евробиримдиктин “кара тизмесинде” турат. (EK)
