Иранда ушул аптада оппозициянын митингдерине катышкан 20 демонстранттын соту башталат. Бул тууралуу ИРНА расмий маалымат агенттиги кабарлады. Агенттиктин маалыматы боюнча митингдин катышуучуларына “полицияга кол салган, куралдарды мыйзамсыз сактаган, террордук топтор менен байланышкан, Иранга душман массалык маалымат каражаттарына сүрөт жана тасма берип турган” деген айыптар коюлуп жатат. ИРНА агенттиги “нааразылык акцияларын уюштургандар кийинчирээк соттолот” деп кабарлады.
