Республикалык өтө жугуштуу оорулар жана карантин борбору билдиргенге караганда, Аксы районунда күйдүргү дартына чалдыккан деп шектелген адам ооруканага жаткырылган. Анын аргасыз союлган уюнун этин алган Кош- Дөбө айыл өкмөтүндөгү 12 адам дарыланууда. Облуста эки киши күйдүргү дартын жуктурган деп шектелүүдө. Ала-Бука районунан эки адамдын ооруганы аныкталган жок. Сузак районунун тургуну күйдүргү болгону далилденди. Кечээ Өзгөчө кырдаал министрлиги Аксыда күйдүргү дартын жайылтпоо үчүн 167 киши дарыгерлердин көзөмөлүндө тургандыгын жазып чыккан. (YA)