Ирандын жогорку лидери Аятолла Али Хаменеи Махмуд Ахмадинежаддын экинчи 4 жылдык мөөнөткө президенттикке шайланганын расмий бышыктады. Ахмадинежад ушул шаршембиде ант бермекчи. 12-июнь күнкү президенттик шайлоонун жыйнытыктары дайын болгондон кийин миңдеген ирандыктар нааразылыгын билдирип көчөлөргө чыккан. Алар добуш берүүнүн бурмаланганын ырастап келишти. Тополоңдордо 30дай киши набыт кеткен, 2 миңдей демонстрант камалган. Ишембиде толкундоолорго байланыштуу кармалган 110 реформачыл саясатчы жана активисттин үстүнөн сот процесси башталган. Кечээ Ирандын реформист экс-президенти Мохаммад Хатами сотту өлкөнүн баш мыйзамына каршы келет деп айпытады.
