Бул тууралуу кечээ Кыргызстандын президенти Курманбек Бакиев менен Түркия президенти Абдуллах Гүл телефон аркылуу байланышында сөз болду. Абдуллах Гүл Курманбек Бакиевди 60 жылдыгы жана экинчи мөөнөткө шайланышы менен куттуктап, Кыргызстанга май айында жасаган расмий иш сапарындагы макулдашуулар аткарылаарына ишендирди. Бакиев өз кезегинде “Кыргызстан" жана “Пегасус” авиакомпанияларынын өнөктөштүк макулдашуусу кызматташтык боюнча акыркы макулдашуулардын ишке аша баштагандыгын белгиси деп эсептеди. Бул тууралуу президенттин маалымат кызматы кабарлады. (BuS)
