Мындай маалыматты Баткен облустук акимчилигинен 6-августта “Азаттыкка” билдиришти. Маалыматка караганда, бүгүн Кыргызстандын коргоо министринин биринчи орун басары Аскарбек Жапаров жергиликтүү бийлик өкүлдөрү, мамлекеттик каттоо кызматынын адистери менен Баткен районунун аймагында орус базасына ынгайлуу жерлерди караштырды. Ал эми коргоо министринин орун басары Аскарбек Жапаров азырынча ЖККУнун тез аракеттенүүчү жаматтык күчтөрүнүн алкагындагы аскерий база жана окуу борбору кайсыл жерге жайгашаары тууралуу маалымат берүүдөн баш тартты. (JsA)
