Балыкчы окуясы боюнча Ысык-Көл облустук соту бүгүн камактагылардын апелляциялык арызын карары айтылууда. 5-августка белгиленген отурумду сот камактагылардын иштери менен таанышып бүтө электигине байланыштуу бүгүнкүгө которгон. 23-июлдагы президенттик шайлоо маалында чыккан чатак боюнча кармалган 14 киши азыр убактылуу тергөө абагында отурушат. Алардын бири кечээ ооруканадан камакка алынды. Кармалгандарга Кылмыш Кодексинин үч беренеси боюнча айып тагылууда. (BuS)