Бириккен Улуттар уюму козголоңчулардын кол салуулары Ооганстандагы президенттик шайлоого терс таасирин тийгизерин эскертти. Уюм тараткан билдирүүдө өлкөдөгү оор кырдаал президенттикке талапкерлердин үгүт өнөктүгүн өткөрүүсүнө жана бир топ шайлоочулардын добуш берүүсүнө тоскоол болору айтылат. “Талибан” кыймылы 20-августка белгиленген шайлоону үзгүлтүккө учуратарын ырастоодо. Ооганстанда акыркы айларда 2001-жылы бийликтен четтетилген талиптердин кол салуулары күч алды.
