Париждин четиндеги Баноле шаарчасында башаламандыктар орун алды. Жергиликтүү тургундардын айтымында, полиция 18 жаштагы өспүрүмдүн документтерин текшерүү үчүн токтоткон. Бирок өспүрүм алардан качып баратканда, полиция аны унаа менен коюп кеткен. Полициянын ырасташынча, өспүрүм мотоциклден өзү жыгылып каза тапкан. Ошондон кийин орун алган башаламандыктарга ондогон киши катышып, алар полицияга бөтөлкөлөрдү ыргытып, 29 унааны өрттөп жиберишкен.
