Ооган президенти Хамид Карзай талиптер 20-август күнкү шайлоого тоскоол боло алышпайт деп билдирди. Кабулдагы колдоочуларына кайрылып, президент шайлоо тынч өтөт, элдин добуш берүүсү Ооганстан үчүн өтө маанилүү деп белгиледи. Талибан шайлоону үзгүлтүккө учуратуу максатында кол салууларын күчөттү. Акыркы 3 күндүн ичинде оогандык 7 киши жана бир нече чет өлкөлүк аскер теракттардан каза табышты.
