Орусиянын президенти Дмитрий Медведев буга чейин Украинанын президенти Виктор Ющенкого жиберген ачык катында Киевди НАТОго кошулуу мүдөөсү үчүн сындап, былтыркы орус-грузин согушунда грузиндерге курал-жарак берген деп айыптаган эле. Ага бүгүн жооп берген украин президенти аны “достукка жатпай турган кат” деп атады. Орусияны ал үчүн бүгүн АКШ да сындаган. “Дмитрий Медведев Украинаны жамандап жатышы коңшу мамлекеттердин алакаларын жакшыртпайт” деп айтылган АКШнын Мамдепартаментинин билдирүүсүндө.
