«Жалал-Абат электро» ишканасы Аксы районундагы Дейрес кыштагынын тургундарын кыргыз жарыгы менен камсыз кылды. Мындай маалымат бүгүн облбийликтен алынды. Кыргыз- өзбек чек ара тилкесинде турган бул айылга буга дейре электр тогун Өзбекстан берип турган. Айыл чарба эгиндерин сугаруу мезгилинде жарык үзгүлтүк менен келип, көбүн эсе өчүп калчу. Андай ыңгайсыздыктарды башынан далай өткөргөн дейрестиктер электр жарыгы, таза суу жана жол менен камсыз кылууну суранып, бир нече ирет облустук бийликке кайрылышкан эле. (YA)
