Мындай маалыматты Баткен райондук билим берүү бөлүмүнүн башчысы Абдилазиз Заитов бүгүн “Азаттыка” билдирди. Анын айтымында, Баткен облусундагы жалпы билим берүүчү мектептер быйылкы окуу жылынан тартып жаныча окуу программасы менен иштеп, мугалимдер мурдагыдай окуткан сабагына жараша эмес окуучулардын санына жараша маяна алышат. Жан башына каржылоо программасы билим берүү министрлиги тарабынан август айынын башындагы буйрук менен бекитилип, Баткен облусу сыноочу аймак катары киргизилген. Ал эми айылдагы аз окуучусу бар мектептерди кантип каржылоо азырынча чечиле элек.(JsA)
