“Ашык болгон ууру” тасмасы Москвада

Кино режиссер Эрнст Абдыжапаров тарткан бул тасма менен эртең Москвада ачыла турган КМШ жана Балтика мамлекеттеринин кинематографисттеринин ХIII Улуттук форуму ачылат. Бул тууралуу Эрнст Абдыжапаровдун киностудиясынын жетекчиси Данияр Абдыкеримов “Азаттыкка” билдирди.
Кмнофорумда ошондой эле Кыргызстандан тышкары Азербайжан, Армения, Грузия, Казакстан, Өзбекстан, Тажикстан, Украина жана Эстониялык режиссерлордун толук метраждуу тасмалары көрсөтүлөт. Мындан тышкары үч дебюттук тасма киносынчыларынын сынына коюлат.

КМШ жана Балтика мамлекеттеринин кинематографисттеринин ХIII Улуттук форуму 28-августтан 3-сентябрга чейин Москвада болот.(ZKo)