58 жаштагы Филип Гарридо жана аялы Нэнси Гарридо 11 жаштагы кызды уурдап, аны 18 жыл үйүнүн артындагы жайда камап турган деп шектелүүдө. Жума күнкү сот жыйынында экөөнө сексуалдык максатта киши уурдоо, жаш балага жийиркеничтүү мамиле кылуу жана зордуктоо боюнча, баары болуп, 29 айып тагылып жаткандыгы айтылды. Гарридо азыр 29 жаштагы уурдалган кыз Жейси Дугарддын эки баласынын атасы болушу да мүмкүн. Жейси Дугард азыр энеси менен жашап жатат.
