Пакистандын түндүк-батышында өкмөттүк аба күчтөр Сват өрөөнүндөгү согушкерлер жашырынган жайларга чабуул жасады. Анда 30 талип өлтүрүлүп, бир жоокер набыт болду. Аскер командачылыктын маалымдашынча, талиптерге каршы бул операция ишембиде (29-августта) башталган. Кечээ (30-августта) Сват өрөөнүндөгү Пешавар шаарында полиция академиясынын жанында жанкечти өзүн жардырып жиберип, окуу жайдын 16 студенти мерт кетти. Сват өрөөнүнүн полиция башчысы бул үчүн жоопкерчиликти талиптерге жүктөдү.