Бул Эл аралык космос станциясына америкалык “Дискавери” кемеси менен барган астронавттардын бул жолку сапары учурунда ачык космоско үчүнчү жана акыркы ирээт чыгуусу болду. НАСАнын өкүлдөрүнүн билдиргенине караганда, АКШнын жана Европанын космос агенттиктеринин эки астронавты жети сааттын ичинде Эл аралык космос станциясынын сыртында техникалык иштерди жүргүздү. Бортуна жети тонна жүк салып барган “Дискавери” кемеси эл аралык станция менен алдыдагы шейшембиге чейин тогошот. Ал эми Жерге 10-сентябрда кайтмакчы.
