Шым кийип жүргөндүгү үчүн сот жообуна тартылган судандык журналист аял бүгүн бошотулду. Лубна Хусейн адепсиз кийингендиги үчүн күнөөлүү деп табылып, дүйшөмбүдө 1 айга түрмөгө кесилген. 200 доллар айып пулду ал үчүн Судандын журналисттер бирикмеси төлөдү. БУУнун Адам укуктары боюнча мекемеси журналисттин соту эл аралык мыйзамдарды бузуу болуп эсептелерин жана ал Суданда аялдардын укуктарынын тебеленип жатышынын далили катары бааланаарын билдирген.
