Горький атындагы мектеп-гимназиянын директору Махаматжан Ахуновду Ош шаардык агартуу башкармалыгынын башка билим журтуна которгон чечимине наааразы болгон жүздөн ашуун адам каршылык билдиришти. Ата-энелер, мугалимдер жана окуучулар агайы ордунда калтырылбаса, иш таштоо да жарыялай тургандыгын ачыкташты. Өз кезегинде аталган башкармалыктын жетекчиси Абдивали Балтабаев окуу-тарбия ишин жакшыртуу максатында мектеп башчыларын ротациялоону башташкандыгын, мындай сыноого бир орунда көп жылдар бою эмгектенген директорлор туш болгондугун белгилеп, гимназиянын өкүлдөрүнүн талабын аткарылбас ультиматум катары баалады. (ATo)
