Евробиримдик Өзбекстанды адам укугун коргоо маселесине көбүрөөк көңүл бурууга, сот системасында реформа жүргүзүүгө, ишкерчилик үчүн ыңгайлуу шарт түзүүгө үндөдү. Брюсселде Евробиримдиктин өкүлдөрү Өзбекстандын тышкы иштер министри Владимир Норов менен жолугушууда коррупция менен күрөш маселеси да талкууланды. Жолугушуудан кийин министр Норов Өзбекстан менен Евробиримдиктин мамилелерине Батышта кенен жайылган “исламдан коркуу” сезими тоскоол болуп жатканын айтты.
