Буга байланыштуу бүгүн Токтогул Сатылганов атындагы Улуттук филармонияда салтанатуу жыйын өтүп, анда Мамлекеттик туризм агенттиги өлкөдөгү туризм тармагында эмгектенген ишканалардын мыктыларын жарыялады. Бул тууралуу "Азаттыкка" агенттиктин башчысы Турусбек Мамашев билдирди. Анын айтымында 2009-жылдын жарым жылдыгы боюнча, өлкө 987 миң туристти кабыл алып, 214 миллион АКШ долларына барабар киреше тапкан. (SA)
