Кечээ жарыяланган жоромолунда Эл аралык валюта кору дүйнөлүк экономика быйыл жалпы 3,1 пайыздык өсүш көргөзүшү мүмкүн экенин, бул мурдагы сандардан жарым пайыздан көбүрөөк жогору экенин малымдайт. Бирок маселен, Орусия жана мурдагы советтик өлкөлөрдө экономикалык кризистен чыгуу жараяны жайыраак болуп, энергия экспорттоо боюнча дүйнөдө 1-орунда турган орус экономикасы быйыл 7,5 пайызга төмөндөп, кийинки жылы 1 жарым пайызга өсүш көргөзөөрү күтүлүүдө.
