Бүгүн Нурадагы жер титирөөгө бир жыл толот

Өткөн жылы 5-октябрда Алайдын Нура айлында күчү 7 баллга жеткен силкинүүдөн 75 киши набыт болуп, айыл тыптыйпыл кулап калган. Чукул кырдаалдар министрлигинин жана КР курулуш, архитектура агенттигинин күчү менен айылга элүүдөн ашуун турак-жай тургузулуп, жергиликтүү тургундарга берилди.

Кышы менен тез курулган темир үйлөрдө жана чатырларда бир нече үй-бүлө биригип кыштап чыккан нуралыктар август айында турак-жайлардын курулушу жайлаганына нааразылык билдирип, Ош-Эркечтам кан жолун тосууга чейин барышканы белгилүү.(ZKo)