Иш чаранын уюштуруучусу Каныкей Мухтарованын билдиришинче бул салт болуп калган концерт. 17-октябрда Кыргыз улуттук консерваториясында өткөрүлөт. Күзгү концертке Александр Акимов, Александр Юртаев, Таалай Бейшеев, Нургиз Чекилова жана башка белгилүү кыргыз джазмендери катышат. Мындан тышкары Ташкенттен конок катары таланттуу ырчы Тамила Курмакаева келет. Концерт “Борбордук Азия арт менеджмент” коомдук фонду тарабынан Кыргызстандагы кызматташтык боюнча Швейцариялык бюронун колдоосу менен уюштурулуп жатат. (AzK)
