АКШнын президенти Барак Обама алдыдагы беш жылда Пакистанга 7 млрд.доллар жардам берүү жөнүндөгү мыйзамга кол койду. Каражат өлкөдө экономикалык, социалдык абалды жакшыртууга жумшалат. Ал, ошондой эле, Пакистан өкмөтүнүн талиптер менен “Ал-Каидага” каршы күрөштөгү аракеттерин колдоо максатында берилет. Пакистандык бир топ өкүлдөр “АКШ муну менен өлкөнүн ички ишине кийлигишип атат” деп, мыйзамды сынга алышкан болчу. Бирок Американын Конгресси андай коркунуч жок экенин ырастады.
