Бул тууралуу Ички иштер министрлиги 2009-жылдын тогуз айынын жыйынтыгын чыгарып жатып билдирди. Быйыл диний экстремизмди таратууга байланышкан сексенге жакын факты катталды. Анын негизинде жүз он киши камакка алынган. Ички иштер министрлигинен “Азаттыкка” өлкөдө диний экстремизге байланыштуу кырдаал толук көзөмөлдө экенин кабарлашкан. Жакында Эл аралык кризисттик топ Кыргызстанда Хизб-ут-Тахрир сыяктуу экстремисттик уюмдун жактоочулары көбөйүп, уюмга айрыкча динчил аялдар арбын тартылып жатканын жарыялаган. (EBM)
