Кыргызстандада экономикалык жактан жигердүү жарандардын он пайызы чакан насыя берген уюмдардын кызматынан пайдаланат. MGN Group компаниясы өз иликтөөсүнө таянып маалымдагандай, жакынкы күндөрү бул сан дагы көбөйүшү ыктымал. Иликтөөдө Кыргызстанда чакан кредит берген уюмдардын жылдык үстөк пайызы көп болгону менен, насыя алуу шарттары жеңил экени, ошондуктан бул мындай уюмдарга кайрылгандар саны көбөйүп жатканы аныкталган. Өткөн жылы чакан насыя берген уюмдардын кредиттик портфели 65 пайызга өскөн. Учурда мындай уюмдардын саны 350дөн ашат. 2003-жылы болсо жүзгө жетчү эмес. (EBM)
