Багдад губернаторунун божомолунда 3 күн мурун болгон кош жардыруудан ураган имараттардын алдында 60тай бала кала бериши ыктымал. Салах Абдел Разыктын ырастоосунда, юстиция министрлиги жанында жайгашкан бала бакчадагы балдар жөнүндө азыркыга чейин эч кандай маалымат жок болууда. Жекшембиде министрликтин маңдайында дүрмөттөлгөн машиналар жарылып, бери дегенде 155 киши ажал тапкан, 500дөн ашууну жараат алган. Ирактын коргоо министрлиги губернатордун урандылардын алдында адамдар болушу мүмкүн деген ырастоолору чындыкка коошпойт деп билдирди.
