Украин бийликтери өлкөдө чочко тумоосунан алгачкы адам көз жумганы ырасталган соң, мектептерди 3 жумага эс алууга таратып, коомдук жыйындарга тыюу салып, элдин ары-бери каттоосуна чектөө киргизишти. Премьер-министр Юлия Тимошенко оорулуулар саны көбөйсө, 3 жумалык карантин дагы узартылат деп эскертти. Түркияда чочко тумоосун жайылткан H1N1 вирусунан 3 киши, Италияда 11 киши көз жумганы кабарланды.
