Президент Курманбек Бакиевдин бүгүнкү жардыгы менен Мурат Суталинов Мамлекеттик коопсуздук боюнча кызматтын төрагасы болуп дайындалды. Бул тууралуу президенттин маалымат кызматы билдирди. К. Бакиев 20-октябрда башкарууну жаңылоо программасын жарыялап, ага ылайык өкмөттүн структурасы өзгөргөн. Мамлекеттик комитеттердин көпчүлүгү мамлекеттик кызмат болуп түзүлгөн. М. Суталинов буга чейин Улуттук коопсуздук боюнча мамлекеттик комитетти башкарып келген. (EBM)