Саламаттыкты сактоо министри Марат Мамбетовдун билдиришинче учурда жергиликтүү ишкерлер да марли кездемесинен беткап тигүүгө киришти. Мындай беткаптарды бир нече жолу пайдаланса болот. Министр айрым бизнесмендер учурдагы абалдан пайдаланып, беткаптын баасын көтөрүп жибергендигин белгилеп, бирок жакында беткап жетиштүү түрдө шаардын дарыканаларында сатыларын билдирди. Адистер бул чара чочко тумоосунун жайылышын ооздуктап, эпидемиологиялык кырдаалдын начарлап кетүү коркунучунун алдын аларын билдиришет. (AzK)
