Орток баш мыйзамдын ролун аткара турган Лиссабон келишими бардык өлкөлөрдө жактырылган соң, Евробиримдик орток чечимдерди кабыл алуу ишин жолго коюп, шаркеттин тышкы иштердеги активдүүлүгүн арттырууну максат кылууда. Кабарларга караганда, бир нече аптадан берки талкуулардан кийин да Евробиримдиктин башкы эки кызматына көрсөтүлчү кишилердин ысымдары тактала элек. Саммитке аттанаар алдында немец канцлери Анжела Меркель башкы оюнчулар Германия менен Франция бирдей добуш берет, бири-бирин колдойт деп белгиледи.
