Премьер-министр Бойко Борисов алкоголдук ичимдикке салыкты көбөйтүү аракетин токтоткондон кийин, үйдө раки жасаган айыл тургундары андай ичимдиктеринин бирин "Борисовка" деп аташты. Салыктын өсүшү кылымдардан берки үйдө шарап, раки жасоо салтына коркунуч келтирет деген нааразылыктан улам, өткөн аптада Болгариянын жаңы борборчул-оңчул өкмөтү алкоголго салыкты көбөйтүү планынан баш тарткан эле.
