Бул тууралуу “Азаттыкка” “Балдар укугун коргоочулар” лигасынын башчысы Назгүл Турдубекова билдирди. Аталган бейөкмөт уюм мектептердеги кенже класстардын окуучуларын милдеттүү түрдө бирдиктүү форма кийүүгө өткөрүү тууралуу токтомун айыптап кыргыз өкмөтүн сотко берген. Укук коргоочулар бул токтом өлкөнүн Баш мыйзамына каршы келерин, балдардын билим алуу укугун чектерин айтып чыгышкан. Билим министрлиги өз кезегинде өлкөдө форма боюнча проблема жоктугун билдирген. Быйылтан тарта Кыргызстанда 1-4-класстын окуучулары милдеттүү түрдө форма кийүүгө өткөн. Келерки жылдардын тарта форманы чоң класстар да кие башташат. (EBM)
