Иран президенти Махмуд Ахмадинежаддын жардамчыларынын бири Бахрейнден Дубаиге яхта менен бараткан британиялык 5 жарандын өткөн аптада кармалганын бышыктады. Эсфандияр Рахим Машаиинин айтымында, сот бул ишти карап чыгат, британиялыктар Иранга карасанатай ниет менен келген болсо, катуу жазаланат. Британия тышкы иштер министри Давид Милибанддын пикиринде, яхтсмендер “Ирандын сууларына байкабастан кирип кеткен болушу мүмкүн”.