"Кыргызстан менен Казакстан эки өлкөнүн энергетикалык системаларын өнүктүрүү боюнча суу-энергетикалык маселелерди чечүүгө жетишти”,-деп билдирди Кыргызстандын премьер-министри Данияр Үсөнов Казакстанга болгон иш сапарынын жыйынтыгы боюнча жасаган билдирүүсүндө. Өкмөт башчынын айтымында, Кыргызстан тараптан кубаттуулугу 500 кВт келген “Датка” подстанциясын жана “Түштүк-Түндүк” магистралдык электр линияларын куруу жөнүндө сүйлөшүүлөр жүрдү. Казакстандын Президенти тарабынан Алматы-Кемин электр линиясын Казакстандын эсебинен куруу маселеси колдоого алынды. Кыргыз тарап бул келечекте көп проблемаларды чечүүгө өбөлгө түзөт деп эсептейт. Бул маалыматты Өкмөттүн басма сөз кызматы билдирди.
