Алар Европанын арачылыгы менен жетишилген туткундар менен алмашуу келишимине ылайык бошотулганы болжолдонууда. Түштүк Осетиянын расмий интернет сайтында айтылгандай, беш туткун чек арадан Адам укуктары боюнча Европа Кеңешинин комиссары Томас Хаммарбергдин коштоосунда өтүштү. Түштүк Осетияда учурда "аймакка жардыргыч заттар менен мыйзамсыз кирген" деп айыпталган төрт грузиндин үстүнөн сот жүрүп жатат.
