Бул тууралуу кечээ өлкө президенти Махмуд Ахмадинежад билдирди. Ал ошондой эле Атом энергиясы боюнча эл аралык агенттик – МАГАТЭнин Иран боюнча соңку резолюциясын “мыйзамсыз”деп атады. Ахмадинежаддын айтымында, Иран өзүнүн атомдук реактору үчүн 20%га байытылган уранды өндүрмөкчү. Мунун алдында өткөн жекшемби күнү Иран бийликтери МАГАТЭнин андан уран байытууну токтотууну талап кылган резолюциясына жооп кылып, уран байытуучу жаңы он завод курарын жарыялашкан. МАГАТЭнин акыркы резолюциясын Орусия менен Кытай да колдогон болчу.
