Алар ордо шаар Афинада ишембиде (5-декабрда) полиция менен кагылыша кетишкен. Мындан туура бир жыл мурда, 6-декабрда, Грекиядагы массалык демонстрацияда грек өспүрүмү полициянын огунан набыт болгон эле. Бүгүн (жекшембиде) бийликтер анын өлүмүнүн бир жылдыгында кайра башаламандык кайталанышы мүмкүн деп, шаарга 1000 ашуун полисменди коюшту. Өлкөдөгү солчул уюмдар менен кесиптик кошуундар (профсоюздар) бүгүн көчөгө миңдеген тарапкерлерин чыгарууну көздөп жатышат.
